“Dostum Ermənistana qayıdıb, vətəndaşlıq almaq üçün uzun proses keçib. Sevinə-sevinə nəhayət pasport almağa getdi və kədərli şəkildə qayıtdı. Əslən Ağdərədəndir. Doğum yerinə Azərbaycan yazıblar”.

Ordu.az xəbər verir ki, bunu erməni ictimai xadim Arsen Karapetyan özünün “Facebook” səhifəsində yazıb.

“Mübahisə edib, əsəbləşib, deyiblər ki, bizə də xoş deyil, amma qanun budur. İndi sual, yazdıqları bu söz nə deməkdir?

Nə Azərbaycan SSR (yenə də xoş olmayacaqdı, lakin ən azından anlaşılan olacaqdı), nə də “DQR”, yox, sadəcə Azərbaycan”, - deyə o qeyd edib.

Alpər Mövludoğlu
Ordu.az