Ordu.az xəbər verir ki, komandirlər tabeçiliyində olanları vaxtında müalicə müəssisələrinə göndərmədiklərinə görə sonradan halı ağırlaşan əsgərlər uzun müddət hospitalda qalır və müalicənin də yükü valideynlərin üzərinə düşür. Bu da erməni ailələrinin haqlı narazlığına səbəb olur.

Belə bir hadisə işğalçı ordunun 5-ci alayında xidmət edən əsgərin başına gəlib. Tibb məntəqəsinin rəisi Serqo Hakopyanın bildirdiyinə görə, tibb məntəqəsində olan əsgər Miran Xudoyanın vəziyyəti ağırlaşıb.

Dizlərində olan ağrılar səbəbindən erməni hərbçi artıq yeriməkdə çətinlik çəkir. Halı daha da pisləşən M.Xudoyan bu günlərdə təcili yardım maşını ilə Xankəndi hospitalına gətirilib. Əsgərin valideynləri isə lazım olan dərman preparatlarının alınıb ona çatdırılması üşün hospitala çağrılıb.

Ordu.az